SAMAIN

Aproveitando a ponte e festa de tódolos santos que recolle a pagana tradición do Samaín, convertida nos USA no Hallowen, achegamos algunhas suxerencias para facer estes días:

XOVES 31

A noite anterior ao 1 de novembro celébrabase o SAMAIN, parece que o nome provén do primeiro mes (Samonios) do calendario de Coligny. Era o principio de ano e para os escoceses eran os festexos da morte. É evidente que a festa foi reconducida á celebración do Día de Defuntos e de Todos os Santos.

O traballo principal era a recolleita de castañas, normalmente levada a cabo polos nenos. Celebrábase o magosto, con castañas, viño novo e queixo. Segundo Murguía as castañas e o viño simbolizan a morte e a vida. Unha tempada para xogar coas cabazas e as cabezas dos nabos, tallando caveiras.

Ás 19,30 abrimos o CUR. Un dos xogos que facían os celtas nesta festividade eran os xogos de lóxica, e que mellor que facer algo de xadrez.

VENRES 1

Torneo de Outono de Xadrez a partir das 18,00 no Sporting Club Casino da Rúa Real.

SABADO 2

Aproveita para visitar o Estadio de Riazor. As visitas son as 13,00 e o custe é de 4 euros por persoa con agasallo dun pin do Deportivo. José Alberto Ortega fará de guía durante unha hora, incluíndo algunhas zonas que cando vas a un partido non ves. Os que participaron no Rosario e no Torneo de Outono terán unha tarxeta coa que poderán obter dous libros de balde; un coa historia do Depor e outro sobre finais de xadrez.

Queremos ideas!

Esta é a iniciativa de tres entidades que cumpren nesta nova tempada 25 anos; Asociación Hercle, Asociación Palaestra e Asociación Galega de Axedrecistas.

1. Búscase que os socios e simpatizantes propoñan actividades para realizar nesta temporada.

2. É valida calquera idea en cultura, deporte e ocio en xeral, decidindo as tres entidades cales se levan a cabo.

3. A partir do 20 de setembro empezará o prazo para aportar estas ideas que rematará no Nadal.

4. As actividades iranse desenvolvendo dende o 1 de novembro de 2013 e ata finais de 2014. Polo tanto as primeiras suxerencias recibidas serán realizadas en novembro e decembro deste ano.

5. As propostas poden enviarse a:
- actividades@deporcultura.com
- entregarse por escrito en calquera das actividades das entidades sinaladas
- Asociación Palaestra. Apartado de Correos 763. 15080 A Coruña.

Hai unha serie de tarxetas realizadas para a ocasión que poden empregarse para facer os resumes das suxerencias.

6. Valorase o baixo custe e a fácil realización por socios e simpatizantes.

7. os autores das proposta escollidas, que serán un máximo de 50, percibirán un pequeno agasallo por colaborar nesta acción. Pero en calquera caso o importante é que a xente participe.

Día de Lugnasad

Lugnasad ou Lughnasadh
(mitoloxía celta e Wicca)

Lug, o gran deus celta, foi asimilado ao Mercurio romano. A festa foi probablemente cristianizada na Asunción. Nas illas de Man o Lugnasad celebrábase o domingo seguinte ao 12 de agosto.

O nome significa xogos ou asemblea de Lug. En textos irlandeses fálase de gran variedade de xogos.

Brandub parece ser un xogo similar ás damas ou ao xadrez.

Os banquetes eran importantes como forma de unión da tribo ou a aldea e ademais servían para redistribuír os botíns. Nestes era importante a presenza dos bardos, do viño, a cervexa e o hidromel.